Á Lögþingi starfa sérfræðingar á sviði gjaldþrotaréttar. Á það við um formleg skipti á gjaldþrotabúum einstaklinga og fyrirtækja, nauðasamningsumleitanir og fjárhagslega endurskipulagningu fyrirtækja. Þá aðstoðum við einstaklinga sem óska eftir að fá úrskurð um gjaldþrot vegna erfiðrar greiðslustöðu.

Lögmenn Lögþings taka að sér skiptastjórn á þrotabúum, dánarbúum og við fjárskipti milli hjóna. Einnig búum við yfir mikilli reynslu við að gæta hagsmuna erfingja við skipti dánarbúa, og hjóna eða sambúðarfólks við fjárskipti.

Helstu verkefni sérfræðinga okkar á sviði gjaldþrotaréttar:

• Skiptastjórn í þrotabúum.
• Aðstoð við eigendur gjaldþrota félaga.
• Nauðasamningar samkvæmt heimild í lögum um gjaldþrotaskipti.
• Fjárhagsleg endurskipulagning.